రాతిరి తెరలే.....!!

మనసు మధనం మనిషి చలనం
హృదయ గమనం కాల చక్రం
పురుడు పోసుకున్న అక్షర కవనం

జ్వలించే జ్వలనం ప్రజ్వలనం
దహించే రూపం శాపం
వేధించే జ్ఞాపకాలు చిరపరిచితం

గుచ్చుకుంటున్న గాయాలకు లేపనం
మరపు మందుని సైతం
దగ్గరగా రానీయని అలసత్వం

చెదిరి పోయిన కధల కలలు
విడిచి పోయిన నిట్టూర్పుల నిరాశలు
పోగు చేసుకున్న జీవితాలు

చీకటిలో రంగుల లోకం
చూడాలనుకునే అమాయకత్వం
కాల రాస్తున్న పాషాణ హృదయాలు

అద్దంలో చూసుకున్న ప్రతిబింబం
వెలుగుల జిలుగుల్లో విరజిమ్మే కాంతి రేఖలు
ఒక్కసారికే తట్టుకోలేని అసహాయత్వం

చెంతన లేని చెలిమి చెప్పిన స్వాంతన
దూరంగా ఉన్నా చేరువగా అనిపించే తలపు 
రెప్ప పడక పోయినా రాతిరి తెరలే బావున్నాయి..