కలల అలల కావ్యమై విరిసి మురిసిముగ్ధ మోహనమై మువ్వలా ముడుచుకుని
సడి లేని సవ్వడిలా మదిలో సందడి చేస్తూ
నాలో చేరిన ఈ చైతన్యం ఎక్కడిది...!!
అహాల అడ్డు గోడల నడుమ నలిగి
మనసుల మమతలు మరుగున పడినా
అంతస్థుల అహంకారాల మధ్య చిక్కుకున్నా
నా అస్థిత్వపు అలంకారం ఇక్కడే ఉంది....!!
ఎదురెదురు దిక్కుల్లా ప్రతి క్షణం చూసుకుంటూ
కలవని నింగినేలా కనికట్టులా కనిపిస్తూ
పరుగులు పెట్టే ఎండమావుల వెర్రి ప్రయాణం
సేద దీర్చే మలయమారుత సమీరాల కోసం....!!
నీకు అక్కర్లేక వదిలేసిన జ్ఞాపకం
మరచిన మరపు వాకిటిలో ఎదురు చూస్తోంది
జార విడిచిన గురుతులను భద్రంగా ఏరుకుంటూ
ఓ జీవిత కాలం పదిలంగా దాచుకుంటూ....!!
3 మీరేమనుకుంటున్నారో.....చెప్పేయండి:
చాలా బావుంది మంజు గారు
చాలా బాగారాశారు
ధన్యవాదాలు వనంజ గారు, ప్రేరణ గారు
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి