ఏ తావుల సేరిందో..!!

సెలఏటి పాట వినిపించినాది
నెలవంక నీడ అగుపించినాది
మాటేసిన మబ్బులు దాచేసినాయి
సీకట్ల పరదాలు చుట్టేసినాయి
రాదారులన్ని బోసి పోయినాయి
సిరునవ్వుల ఎలుగులేక చింత పడే మనసుతో
గుండె గూడు గుబులై చిన్న బోయినాది
సుక్కల సీరల్లో దాగినాదేమో
మబ్బుల పానుపుల్లో పరున్నదేమో
కలై తోడుగా కడవరకు నడిచింది
మాటగా మదిలో సడి లేకుండా దాగుంది
గురుతులిడిసి పోనాది గుప్పిలి నిండుగా
తెరచిన సేతుల్లో జ్ఞాపకమై మిగిలింది
ఎటెల్లిపోనాదో ఏ తావుల సేరిందో..!!
యాడని ఎతికేది...ఎతికి ఎతికి ఏసారిన ఈ తనువు...!!