మరల చూస్తూ...!!

తరలిరాని కాలంతో పరుగు
మరలిరాని మనసు కోసం....!!
దరి చేరని మమతల మాధుర్యంలో 
రాలిపోతున్న రవ్వల చక్రం...!!
గువ్వల గూడు చిన్నబోయిన చోట
మౌనం మాటేసి కాపలా కాస్తోంది...!!
చీకటి పహరాలో వేకువ దారిలో
చెదరిన గవ్వలు చేరువగా వస్తాయని...!!
మాటల ముచ్చట్లు రాసులుగా పోసి
చుక్కల గుట్టలు దోసిలి పట్టి చూస్తూనే ఉంది..!!
వెన్నెల వాకిట్లో తొంగి చూస్తూ జారిపోయి
గుమ్మం చాటుగా దొంగలా గడప దాటింది...!!
ఎదురు చూపుల మదిలో మరో రోజు మొదలై
రేయి తెల్లవారింది...మలి ఝాము కోసం మరల చూస్తూ...!!