ప్రేమను ప్రేమించే ప్రేమ....!!

ఎక్కడో వినిపించింది ఓ పిలుపు
మనసు కదిలిస్తూ మదిని మురిపిస్తూ
వేల జన్మల బంధంగా ముడి పడినట్టుగా
మరణాన్ని సైతం దరి చేరనివ్వని
నిన్ను నిన్నుగా స్వచ్చంగా ప్రేమించే
హృదయంతరాళంలో చేరిన అరుదైన చెలిమి
ప్రేమ పాశాన్ని ఏర్చి కూర్చి పెంచుకున్న
మమతావేశపు చిరుజల్లుల తాకిడితో
తొలకరి వలపుల తాయిలం అందించిన
ఆ మధుర సంతకాల వసంతాలు
ఎన్నటికి మాయని ఆ జ్ఞాపకాలు
ప్రేమ కోసమే జీవించే జీవితాలు
మనసుల మౌన భాష్య తరంగాలు
ప్రేమను ప్రేమించే ప్రేమ ఆ ప్రేమ కోసమే
ఎప్పటికి వసి వాడని కుసుమపరాగాలే
నిత్య నూతన వాసంత తిమిరాలే...!!