ఏక్ తారలు...!!

1.  పరవశమే పరిసరాలకు_నిన్ను నన్ను కలిపి చూస్తుంటే
2. శబ్దమూ సడి చేయడం లేదు_నీ తలపుల హడావిడిలో చెలిమి చేస్తూ
3. అబద్దం ఆశ్చర్యపోతోంది_నిజాయితీ నోటు మీద నాట్యం చేస్తుంటే
4. వశమైనా కాలేదు మనసు_నీవు లేక వడిగా పరుగులెత్తే కాలానికి చోటివ్వక
5. పారిజాతాలు పరిచింది ప్రకృతి_స్వచ్ఛమైన మన చెలిమికి సంతసిస్తూ
6. హొయలొలకబోస్తూ వెంబడిస్తా_నీ సాన్నిహిత్యంలో క్షణాలను యుగాలుగా మార్చుతూ
7. కొట్టుకుపోతూనే ఉన్నా_నీ ప్రేమ ప్రవాహంలో పడి
8. నీ పరిచయానికి దాసోహమంటూ_సుగంధపు విరుల వింజామరలే