సంస్కారం..!!

 నేస్తాలు,

               కొందరు పెద్దలకు, పిన్నలకు ఆంధ్రప్రదేశ్ ప్రభుత్వ ఉగాది పురస్కారాలపై చాలా తేలిక భావన వున్నట్లు వుంది. చాలా సంస్కారంగా పోస్టులు పెట్టారు. అవే ప్రశ్నలు మీకు మీరు వేసుకోండి. మీ మనస్సాక్షి ఏం చెప్పిందో నిజాయితీగా వినండి చాలు. 

      ఏ పోటీలకయినా మనం పేరు ఇవ్వకుండా పాల్గొనలేం కదా! అలాంటప్పుడు వీటికి మీకు ఇంత ఆక్షేపణలెందుకు? మీకు నచ్చితే పురస్కారాలకు అప్లికేషన్ పెట్టండి. లేదంటే వదిలేయండి. దీనిలో ఎవరికి ఇబ్బంది లేదు కదా! ఏం సినిమాలకు అవార్డులు నామినేషన్ కి పంపకుండానే ఇస్తున్నారా! పుస్తకాలకు ఇచ్చే ఏ పురస్కారమయినా రెండు లేదా నాలుగు పుస్తకాలు పంపకుండానే ఇస్తున్నారా! ఎంతమందికి ఏ పురస్కారమయినా ఎవరి ప్రమేయం లేకుండానే వచ్చింది? ఇలా చెప్పుకుంటూ పోతే చాలా వున్నాయి. మనకి వస్తే నిజాయితీగా ఇచ్చినట్టు, మరొకరికి వస్తే అపాత్రదానమన్నట్టు కాదండి. ఎవరికి ఏది రాసి పెట్టి వుంటే అలా జరుగుతుందని మనకి తెలుసు కదా..ఎద్దేవా చేయడం మానేసి మన పని మనం చేసుకుంటే బావుంటుంది.