స్నేహ బుజ్జాయిలా....!!

అమ్మ ఒడిలో పసిపాపాయిలా చేరి
ముద్దు మురిపాలలో ముంచి
అల్లరి ఆటలు కోపాల బుంగమూతి అలుకలు
అది కావాలి ఇది కావాలి అని మారాలు....
అమ్మా..!! కధ చెప్పవూ అంటూ
పక్కనే చేరి వింటు  వింటూనే
నిదురమ్మ ఒడిలో చేరి
అమ్మ చేతి స్పర్శలో హాయిగా
బజ్జుండిన ఆ నువ్వేనా...!!
ఎదిగిన వయసుతో
పరిణితి చెందిన మనసుతో
అమ్మకు తోడుగా నీడగా
ఆసరాగా ఆలంబనగా
అమ్మ ప్రపంచమే నువ్వుగా
అమ్మతో స్నేహ బుజ్జాయిలా ఈనాడు....

ప్రతి పుట్టినరోజు సంతోషంగా జరుపుకోవాలని ఆశల తీరాలను అందుకోవాలని కోరుకుంటూ
                                                      ప్రేమతో
                                                      అమ్మ
( ఓ అమ్మ తన ఎదిగిన కొడుకు కోసం తన మనసును అక్షరాలుగా అడిగితే రాసిన కవిత )