వాసంత సమీరాలు...శిశిర వసంతాలు...!!

స్వేచ్చగా పయనించే నా ఆలోచనలకు
అడ్డుగా నువ్వే ఎందుకున్నావు..!!
నా ఆశల విహంగాలు అలుపు లేకుండా
నీ చుట్టూనే తిరుగుతున్నాయి తెలుస్తోందా...!!
నా ఏకాంతాన్ని కూడా నాకు లేకుండా
దూరం చేసి నీతోనే ఉంచేసుకున్నావు ఎందుకు....!!
అర్ధం కాని చిక్కుముడిలా చుట్టేస్తూ
గజిబిజిగా వెన్నాడే నీ సాన్నిహిత్యం మైమరపేంటో...!!
చీకటి రాతిరికి వెన్నెల చీరను చుక్కల అద్దకంతో
చుట్టిన ఆ నింగి పసిడి కాంతులు నీ కన్నుల్లో మెరుపులే....!!
మనసు తలపులు వాకిలి తెరచిన మధుర జ్ఞాపకాలు
వసి వాడని వాసంత సమీరాలు...శిశిర వసంతాలు...!!
మరు జన్మకు పదిలమైన మది నిక్షేపాలు
అనుబంధాల ఆనందపు పరమార్ధాలు ఈ జన్మకు...!!