ఏక్ తారలు...!!

1. కలల్లో ఎన్ని కావ్యాలో_ఊహలకు ఊతం ఇచ్చినట్లు
2. నిరాశకు చరమ గీతం_నిశిలో సైతం వెలుగు పూల వర్షం
3. కాలం కాపలా కాయలేక పోతోంది_ఏకాంతానికి తాకే జ్ఞాపకాల రాకకు
4. వార్ధక్యం నవ్వుతోంది_ముని సంతానంలో తన బాల్యాన్ని చూసుకుని
5. వెల కట్టలేని సుస్వరాలు_నీ స్నేహ సాంగత్యంలో
6. చల్లని చెలిమికి_కరిగే వెన్న వంటి మనసే సాక్ష్యం
7. గమనమే గమ్యం_జ్ఞాపకాల సంద్రాన్ని ఈదుతూ
8. ఇలాగే బ్రతకాలనుంది_నీలో ఎప్పటికి సజీవ జ్ఞాపకంగా
9. ఇలాగే బ్రతకాలనుంది_సడి చేయని చెలిమి చెంత
10. ఇలాగే బ్రతకాలనుంది_బ్రతుకు అర్ధానికి చిరునామాగా మారి
11. ఆత్మాభిమానమూ ఎక్కువే_శరాల్లా అక్షరాలను సంధించడంలో
12. కోరికలన్నీ తారల్లో దాగున్నాయేమో_నేలకు చేరి నిన్ను వరించే తొందరలో రాలినట్లనిపిస్తూ