ఆవకాయ..!!

ఎన్ని కాలాలను

వెనక్కి తీసుకెళుతుందో

బోలెడు తీపి జ్ఞాపకాలను

కారంగా గుర్తు చేస్తుంటుంది ప్రతిఏడూ

రకరకాల మామిడికాయలతో

ఇంపైన రుచులనదింస్తూనే ఉంటుంది

తరాలు మారుతున్నా

తరగని రుచితో వేసవిలో పసందైన విందు

వైశాఖపు పెళ్ళిళ్లలో

అగ్ర తాంబూలమీ రుచిదే

చిన్ననాటి గోరుముద్దలకు

ఏమాత్రం తీసిపోనిదీ పచ్చడిముద్ద

చూడగానే పిన్నలకు పెద్దలకు 

లాలాజలమూరించే ఘాటైన ఎర్ర బంగారం

బిడ్డ  పుట్టుకతో కన్నీళ్ళను కూడా ఆస్వాదించే

అమ్మంత ఇష్టమైనది ఇంటిల్లపాదికీ

వాసత్వపు చేతిరుచుల అద్భుత ఔషధం 

అమ్మమ్మ చేతి ఆవకాయ అమ్మ నుండి మనకు..!!