ఎన్నడో....!!

రాగాలు తీసే కోయిల
నీ స్వరాన్ని చేరలేదెందుకో

వేవేల వర్ణాలు వెలసిన చిత్రము
నీ కనులలో కనిపించెనెందుకో

పెదవి దాటని పలకరింపు 
నీ మది తలపులను దాచెనెందుకో

మరుగున పడిన చిరునగవు
నీ మోమున నాట్యమాడలేదెందుకో

జ్ఞాపకాల రెక్కల చప్పుడు
నీ హృది దాటి వచ్చేదెప్పుడో

తల్లడిల్లే తనువు ఊరడిల్లి
నీ మనః గవాక్షాన్ని తెరిచేదెప్పుడో

వెన్నెల వసంతాలు చుక్కల పక్కను
నీ చెంతను చేరి సేద తీరేదెన్నడో....!!