27, మే 2021, గురువారం

లిఖించేయాలని....!!

గతాన్ని కదిలించకపోయినా
కాలంతో పాటుగా
ప్రయాణించే గురుతులెన్నో

మల్లెపొదలోనూ
ముళ్ళుంటాయని జ్ఞాపకాలకు
తెలుసు కాబోలందుకేనేమెా

పలకరింతలు లేకుండానే 
సాగే పయనాలు ఎన్నున్నా 
శబ్దాలెప్పుడూ నిశ్శబ్ధాలే ఎందుకో

మనసు మనిషి మధ్యన
మౌనం రాజ్యమేలుతున్నా
ఏదీ పట్టని మారాజులే అందరూ

అక్షరాలకు వేటితోనూ 
పని లేదందుకే 
కాలాన్ని కలంతో లిఖించేస్తూంటాయిలా...!!

0 మీరేమనుకుంటున్నారో.....చెప్పేయండి:

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner